نكت جزائرية مايفهمها إلا الجزائريين

واحد الغاشي ما يفهمو والو..يعني حابسين ...مثلا الكوكاو اللي بالقشور يكتبولهم عليه عبارة' اضغط هنا '...التقاشر مكتوب عليهم 'يمين شمال' البنان مكتوب عليه 'يؤكل من الداخل' الياوورت مكتوب فيه من الاسفل' انتهى ' العلبة نتاع التونة مكتوب عليها 'لاتخف انه ميت'.
ـــــــــــــــــــــــــــــــــــــــــــــــــــــــــــ
قالك واحد السيد تصور بين 2 حير وبعثها لصاحبته...وكتب تحتها ملاحظة "راني فالوسط"
ـــــــــــــــــــــــــــــــــــــــــــــــــــــــــ
واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
حمار شاف خطيبته (حمارة)قالها"وقتاش نتزوجو يا حمارة" قاتلو"كي تسقم هدرتك يا واحد الحمار".
ـــــــــــــــــــــــــــــــــــــــــــــــــــــــ
قالك واحد الجزار راح يخطب قالولو موالين الطفلة "لازم تدفع 5ملاين فالعروس" قاللهم "علاش شحال للكيلو".
ــــــــــــــــــــــــــــــــــــــــــــــــــــــــــــــ
خطرة واحد كان يسرح بالنعاج وحاط رجل فوق رجل ويتكيف في قارو ايا طاحت طيارة قريب ليه...كي جات الصحافة تسالو كيفاش الحادثة المسكين من الخلعة بزاف قالهم كنت نسرح بالطيارة و حاط قارو فوق قارو ونتكيف في رجلي لقيت النعاج طاحو.
ـــــــــــــــــــــــــــــــــــــــــــــــــــــــــــــ
مرة واحدكان قدام البحر هو و حبيبته ..ايا قاتلو"فاش يفكرك غروب الشمس " قالها "برجوع قرانديزر الى القاعدة"
ــــــــــــــــــــــــــــــــــــــــــــــــــــــــــ
واحد فنيان يخدم في حانوت تاع الدجاج (يبيع الدجاج حي) جات عندو وحدة و قالتلو "شوفلي دجاجة فيها 2كيلو". ايا شاف مليح فالدجاج وقال"اللي فيها 2كيلو تنوض"
ــــــــــــــــــــــــــــــــــــــــــــــــــــــ
واحد قال ليماه بغيت نتزوج بوحدة بيضة وطويلة وخدامة ...قالتلو شوف كاش فريجيدار
ــــــــــــــــــــــــــــــــــــــــــــــــــــ
قالك وواحد قال لباباه "شريلي بورتابل " قالو " نشريلك بصح ركب خوتك معاك"
ــــــــــــــــــــــــــــــــــــــــــــــــــــــــــــــــــــــــــــــــــــــــــ

ههههههه شكرااااااااااااااااااااا نكت جد مضحكة