قصة حقيقية تبكي لها القلوب؟؟؟؟؟؟؟

السلام عليكم

يا ناس اللمة لحباب انشاءالله اتكونو قاع ملاح اليوم جبتلكم قصة حقيقية والله غير صرات لواحد صاحبي ومن اقرب الناس ليا
المهم هذا صاحبي اول مادار بورطابل اتعرف على وحدة من عين تموشنت وهو من بسكرة كانت المرة الاولى صداقة لا اكثر لكن انتم راكم عارفين الحب وكفاه يدخل المهم عاد اكلمها كل يوم على الاقل 200دج خاطي لفليكسي مرت سنة بحالها وهما على هذا الحب والكلمات المعبرة والاحلام الوردية صاحبي كان ناوي يخطبها قال لي غير هي ولا منتزوجش انقلو يا خويا هذا راه مكتوب ربي لكن راكم عارفين الحب زادت مرت سنة اخرى قالها لازم انشوفك قالت نورمال
اتفاهمو على انهار واجمل روحو اوراح اقطع مسافة تاع 1100كم وخسر صوارد قريب زوج ملاين
خاطي على الكادو بورتابل
المهم شافها عجبتو وعجبها وزاد الحب انتاعو ليها وفي المدة هذي كامل كان حاس كاينا حاجة امخبيا ليه في الغيب
كان مشكك في الحيب انتاعها كان اقلي راها ماتكلمنيش جامي كي سقساها قاتلو رانا قد حالنا
لكن هذي عـــــــــــــــــــــــامين مقدرتش حتي تبينلو حبها زيدو هي في الجامعة ومتنساوش لبورس على الاقل كانت تنحي منها على الاقل 100دج
نورمال الكل ايهون في خاطر لحبيب زيد راهو يفليكسيلها مي هي معرف معامن راها تهدر بيهم مرة هدرت بيها اختها مرة بوها
مرة ومرة .......................و الكثير من الاعذار
المهم انهار الي تلاقاها قالي درتلها واحد لغدى ماشافتوت بعينها
وعطاها صوارد باش تعمر البورطابل
ياعيني على عباد النية
تمت الحالة هكذا وتمت 3 سنوات بالتمام
سقسها قالها انا واش اسمي
ياترى ماذا قالت له ؟؟؟؟؟؟؟؟؟؟؟؟؟؟؟؟؟؟
قاتلو نسيتو مي راني كاتبتو في ورقة
ههههههههههههههههههه
ياعيني على الحب
ماشي عارفا اسمو الكامل الله الله
نورمالمو تكتبو في قلبها صح ولا راني غالط
لاعلينا جاني في ذاك انهار وهو في حالة ربي يستر منها والله غير ماتغدى ولا تعشى ولا نام
المهم رحنا قصرنا في القهوة واحكالى على كل شيئ
من تم قتلو شوف الا راك راجل اقطع العلاقة انتاعك امعاها هذي ميش بنت هذي شيطان
زاد بعد ذالك مدة 20 يوم من باعد مباش يرفد عليها
ولا اكلمها ثم كلمهااو قالها اخطيني انا ميش انتاعك انا
تاع بنت اخرى
مرت اشهر بعد ذلك مكلمتش
كلمتو برقم اخر ارفد عليها عرفها خلاها هدرت او كملت هدرتها منباعد قالها ربي يسمحلك وربي يسعدك في دنيتك ربي اخليك ماتعيطيليش صايي لبيناتنا و قطع
هي مزاتش عيطت

هذا هو حب اليوم يا جماعة ردوبالكم اتحبو الحب الخداع
نتمنى تاخذ عبرة من هذي القصة وتعطوني رايكم
في ذا الراجل وذي البنت
شكرا واسمحولي على الاطالة

انعاود انقول قصة حقيقية
من اعداد وتقديم اخوكم المشاكس
ههههههههههه

السلام عليكم أخي المشاكس نحب نقولك رأيي في هدي
البنت و هد الراجل البنت لي تهدر مع راجل في البورطابل في كلام خاطي الطريق ماشي بنت ولا أظن أنها متربية وهدا الراجل مسكــــــــــــــــــــــــــــــــــــــــــــــــــــــــــــــــــــــــــــــــــــــــــــــين نية في هد الزمان وهد لحكاية قادرة تكون الضحية هي البنت

ثينة كتب:: السلام عليكم أخي المشاكس نحب نقولك رأيي في هدي
البنت و هد الراجل البنت لي تهدر مع راجل في البورطابل في كلام خاطي الطريق ماشي بنت ولا أظن أنها متربية وهدا الراجل مسكــــــــــــــــــــــــــــــــــــــــــــــــــــــــــــــــــــــــــــــــــــــــــــــين نية في هد الزمان وهد لحكاية قادرة تكون الضحية هي البنت

بارك الله فيك اختي ثينة على مرورك العطر

وسعدت والله بردك

شكرا للموضوع اخي المشاكس ونتمنى لصديقك ربي يعوضو بالبنت الي توالمو لانو ها البنت منظنش متربية لكن يقولو خيرها في غيرها ربي يعوضو كل خير.وشكراااااااااااااااا على الموضوع

شكرا اختي
فطومة على الرد انتاعك
والله غير انوصلوا ردك
هههههههههههه

شكرا مرة اخرى

مرحبا حبيت نقول بلي الواحد جامي لكان يهدر مع وحدة ميعرفهاش وهي تاني بصح هذا هو وقتنا متعرف ويناه الصح و ويناه الغالط وربي يستر بنات المومنين كامل ويحفظهم وقول لصاحبك ربي يعوض عليك بنت لحلال بلاك شافلك ربي فيها صلاح وربي راه يمتحن فينا ويجرب فينا وان شاء الله نكونوا عند حسن الضن وشكرا على الموضوع الممتاز

صاحبة الريشة كتب:: مرحبا حبيت نقول بلي الواحد جامي لكان يهدر مع وحدة ميعرفهاش وهي تاني بصح هذا هو وقتنا متعرف ويناه الصح و ويناه الغالط وربي يستر بنات المومنين كامل ويحفظهم وقول لصاحبك ربي يعوض عليك بنت لحلال بلاك شافلك ربي فيها صلاح وربي راه يمتحن فينا ويجرب فينا وان شاء الله نكونوا عند حسن الضن وشكرا على الموضوع الممتاز

شكرا اختي

والله نحن في امتحان وخيرها في غيرها
بارك الله فيك اختي
سعدت والله بمرورك

الله يكون في عون صاحبك ويعوضو ما خير منها

ايه هذي هي الدنيا فيها لمليح والقبيح
وبالنسبة ليها هي راح يجي يوم وتندم

مع اني من الحكاية متاكدة انها ندمت
بصح الجرح صعيب
وما يداويه ندم

والله غير تاثرت بزاف بهاد القصة وغاضني صاحبك بزاف ربي ايكون في عونه ونضن انت كتبت موضوع من قبل على البنات الي بيروفتيو فالي يحبهم وكونت تقصد قصة صاحبك هدا موضوعك راني متذكراتوا مليح تقريبا في نفس الموضوع هذا مي هنا احكيت وسميت الاشياء بمسمياتها وشرحت
شوف الحب الي يكون فالبرتابل ولا حتى الشات والدردشة عبر النت مشي حب خاطرش البنت الي تشيخ مع واحد تقدر اتشيخ مع ميا من وراه ولا بعلموا
وهدا صاحبك الحب عماه وحبها حتى قبل مايشوفها
هي عرفت كفاش تستغلوا يا عجبا كامل ديك المدة ومعقلتش على اسموا انا لو جيت في بلاصته نقتلها هدا يعني بالي مكانتش مهتمة بيه وعمرها ماحباتوا
وانت يعطيك الصحة لولا نصيحتك لو كان راها عاد تبرفيتي فيه هو الله غالب كان من نيته وربي لقاه بلفعة سمية
لازموا ينساها نهائيا راح يتعذب اشوية وخاصة في الشهر الاول كامل فتنا مهذاك الطريق الحب جمرة حمرة ما يحس بيها غير الي كواتوا
الوقت كفيك بمداوات جراحه وربي ايعوضه بمخير منها كاين بنات لحلال

حنين الروح كتب:: الله يكون في عون صاحبك ويعوضو ما خير منها

ايه هذي هي الدنيا فيها لمليح والقبيح
وبالنسبة ليها هي راح يجي يوم وتندم

مع اني من الحكاية متاكدة انها ندمت
بصح الجرح صعيب
وما يداويه ندم

شكرا اختي حنين على تفاعلك مع الموضوع
سعدت بمرورك

اميرة الورد كتب:: والله غير تاثرت بزاف بهاد القصة وغاضني صاحبك بزاف ربي ايكون في عونه ونضن انت كتبت موضوع من قبل على البنات الي بيروفتيو فالي يحبهم وكونت تقصد قصة صاحبك هدا موضوعك راني متذكراتوا مليح تقريبا في نفس الموضوع هذا مي هنا احكيت وسميت الاشياء بمسمياتها وشرحت
شوف الحب الي يكون فالبرتابل ولا حتى الشات والدردشة عبر النت مشي حب خاطرش البنت الي تشيخ مع واحد تقدر اتشيخ مع ميا من وراه ولا بعلموا
وهدا صاحبك الحب عماه وحبها حتى قبل مايشوفها
هي عرفت كفاش تستغلوا يا عجبا كامل ديك المدة ومعقلتش على اسموا انا لو جيت في بلاصته نقتلها هدا يعني بالي مكانتش مهتمة بيه وعمرها ماحباتوا
وانت يعطيك الصحة لولا نصيحتك لو كان راها عاد تبرفيتي فيه هو الله غالب كان من نيته وربي لقاه بلفعة سمية
لازموا ينساها نهائيا راح يتعذب اشوية وخاصة في الشهر الاول كامل فتنا مهذاك الطريق الحب جمرة حمرة ما يحس بيها غير الي كواتوا
الوقت كفيك بمداوات جراحه وربي ايعوضه بمخير منها كاين بنات لحلال

بارك الله فيك اختي امير ة والله صدقتي في كل
ما قلتي الحب
جمرة حمرة

ربي يحفضنا كامل ابنات و ولاد

ايه هذي هي الدنيا فيها لمليح والقبيح
وبالنسبة ليها هي راح يجي يوم وتندم و الله يكون في عون صاحبك واله يجيبلو بنت الحلال اللي توالمو

hasna كتب:: ايه هذي هي الدنيا فيها لمليح والقبيح
وبالنسبة ليها هي راح يجي يوم وتندم و الله يكون في عون صاحبك واله يجيبلو بنت الحلال اللي توالمو

امييييييييييييين
شكرا اختي حسنا على مرور ك
سعدت بمرورك

يعطيك الصحة اخي على الموضوع
رايي ان هادي ما تستهلوش و قادر يديرولها كيما دارتلو ( كما تدين تدان) وصاحبك ربي معاه و انشاء الله ربي يرزقو ببنت لحلال و الدرية الصالحة (من ترك شيئ لله عوضه الله خيرا منه)

شكرا اختي هاجر على المرور الطيب
سعدت والله بردك
مشكورة

السلام عليكم : سامخوني يا خيوتي أنا شخصيا ما نامنش بالحب
والله غير كونتعجبني طفلة شوي نجاهد نفسي باش نشوف عيوبها
بهذي الطريقة نحصن قلبي من الغدر والتجريح
وعلاه نخسر على وحدة ما علاباليش حتى إلى راه عورة
ولا مهبولة ولا ما هيش بنت أصل أرحملي نتعفف على
هذو لحوايج نربح روحي .
وشكرا لك أخي على الموضوع وصاحبك قلوا
المرأة تنكح لدينها أولا ولنسبها ولجمالها
وتقبلو مروري

أمير مملكتي كتب:: السلام عليكم : سامخوني يا خيوتي أنا شخصيا ما نامنش بالحب
والله غير كونتعجبني طفلة شوي نجاهد نفسي باش نشوف عيوبها
بهذي الطريقة نحصن قلبي من الغدر والتجريح
وعلاه نخسر على وحدة ما علاباليش حتى إلى راه عورة
ولا مهبولة ولا ما هيش بنت أصل أرحملي نتعفف على
هذو لحوايج نربح روحي .
وشكرا لك أخي على الموضوع وصاحبك قلوا
المرأة تنكح لدينها أولا ولنسبها ولجمالها
وتقبلو مروري

والله يا اخي امير انت على حق في كل ماقلت
بارك الله

وفيك بارك الله

باراك الله فيك

مشكورة يا دلوعة على المرور الطيب
بارك الله فيك

مشكور أخي على الموضوع
لكن برأيي أنو علاقتهم من الأول غلط لأن عمر حب التليفون مكان حب
راهم قبالك و يعرفوك وما ظمنتهمش فمابالك بواحد يهدر فتليفون مع وحدة مايعرفها ماتعرفه
الله يهدينا لطريق الصواب و الله يدي كل واحد على حساب نيته

شكرا بنت لبلاد نورتي الموضع
ربي انورك
بارك الله فيك

بارك الله فيك على القصة المفيدة

الدين ثم الدين ثم الدين

و بعد كل شيء سهل ~~

تقبلني بين سطورك الرائعة

شكرا بياض اليقين
نورتي الموضوع
ربي انورك

ولله القصة معبرة عن واقعنا اليوم أحيانا تكون البنت هي الضحية واحيانا الشاب............أنا شخصيا ما رنيش نأمن بحاجة سموها حب خاصة في بلادنا.........على خاطر دروك البنت تبغي تبروفيتي في الراجل........والراجل يبغي يلعب ويزعق...........والدنيا رايحا؟؟؟؟؟؟؟؟؟؟؟؟؟؟ما عندي ما نقول الله يهدينا شكرا على الموضوع[/b]

» قصة حب حزينة تبكي كل من يقرائها***قصة حقيقية***
» من يستحق دموعك لا يدعك تبكي
» قصة حقيقية وقعت في الجزائر العاصمة
» قصة ابكت ملايين الناس هي حقيقية
» متى تبكي على نفسك؟؟؟؟؟