ساعدوني يا اعضاء اللمة

السلام عليكم يا اعضاء اللمة ان شاء الله تكونو لباس انا و الله ماني لباس كرهت ،و الله ماعندي الزهر من الامتحانات هادو راني كارهة حياتي ما خدمت في حتى مادة و خاصة الفلسفة و الشي اللي غاضني اكثر الفيزيا لاني من اوت و انا نقرا فيها و نتعب و نوجد و فرحت لاني بديت نفهم الفيرياء لاني قبل كنت ما نعرف والو و كي عرفتها و عديت الامتحان كللي ما قريت ما شت هو اصلا الوقت ما يكفيش 3 ساعات في 4 تمارين كبار بزاف و الله و راني خايفة في الباك 5 تمارين كفاش رايحة نديرلهم و الله غاضتني روحي بالبزاف ما غاضتني حتى مادة كيما الفيزيا \الانجليزية اللي انا فيها مليحة عولت نخدم فيها مليح دارتنا التمربن اللي ما نعرفوش و يادرى قداش عليه ،الشريعة نفعتني حفاظتي كي كنت ننوض السمانة اللي فاتت بكري هي و الاجتماعيات حفظتها هي و صحلتي و بقاتلي العلوم اني خايفة لا نزيد نتفاجئ بيها تاني لاني دكا ما بقالي حتى امل في حتى مادة و الله يا اخواتي راني جد مكتئبة و خايفة لا ما نقدرش نفرح والديا اللي تعبو عليا
ساعدوني على قد ما تقدرو باي شيء مهما يكون تافه و السمانة هادي الجاية رايحة نكون اكثر عصبية لانه يمدونا النتائج ربي يستر برك من هده السمانة
ادعيولي
و انت يا فطومة وش درتي فيها؟ربي يوفقك انتي تاني

هدى اختي متقلقيش روحك مزال الوقت وهدا امتحان باش تقيموا روحكم وفشلك في الاجابة ميعنيش انك مراكيش مراجعة مليح بلاك الخوف والقلق هو السبب
اما الفزياء والكمياء لزمهم تركيز و حفظ المعادات والقوانين وكل هدا يجي جل تمارين كثيرة لكي تطبقي المعادلات الكميائية ويسهل حفضها وفهمها

اما الانجليزية وفنالك مواقع فالنت تسر لك استعابها

الوقت مزال في صالحك حاولي حل تمارين اكثر لتطبقي فيها القوانين وكي يسهل حفظها خاصة في الرياضيات والفزياء والكمياء وحتى العلوم
دون ان تنسى باقي العلوم الاخرى لا تهمليها اعطي كل مادة حظها من المراجعة
وبالتوفيق اختي ان شاء الله

حاولي ان تبتعدي عن القلق والخوف فهما اهم العوامل التي تؤدي غلى النسيان
نظمي وقتكي
خاصة في وقت العطلة خصصي الفترة الصباحية للحفظ ووقت الظهرة للراحة اما الفترة المسائية فجعليها فرصة لتطبيق ما حفظت من نضريات وقوانين فالجانب النظري يجب ان يدعم بالجانب التطبيقي كي ترسخ المعلومات يسهل عليك استرجاعها وقتما تحتاجينها

ناجحة ان شاء الله يا غالية
انت وكل من يجتاز امتحان البكلوريا

شكرا لك عزيزتي ان شاء الله ندير وش قلتيلي في العطلة و ان شاء الله ما يفوتش الحال عليا
وان شاء الله كيما قلتي ينجحو كل اللي يعديو الباك

السلام عليكم
واش هاد القلق يا حنونه
هادو غير امتحانات الفصلية الصح في الباك فهمتي
الحاجة الي تديريها في بالك هي ادا قعدتي تخمي هااكا وخايفا ومنرافيا والله ماتديري والو في الباك كيما صرالي انا في الباك الاول
المهم اختي وهادي نصيحة مني متخميش قي اشياء سلبية تفاءلي خيرا تجديه
ايا واش رايك لوكان نقولك بلي انا مالقري راني معاودا الباك مخدمت والو في الاختبارات بصح ماتنارفيت ماوالو نورمال راني عرفت اخطائي والنقائص الي عندي وان شاء الله نقدر نصححهم
المهم او الاهم اختي كبري قلبك اقراي ومتكثريش بزاف من القرايا وديري برنامج اتمشاي عليه وناجحة بادن الله

نتمنالك التوفيق اختي وادا صحقيتي اي شي راني هنا
تحياتي

شكرا لك فطومة ان شاء الله
تحياتي لك

لا شكر على واجب يا عسل وتمنيني على النتائج راني هنا اوك

شكرا لك
لحد الساعة لباس جبت في الشريعة 13.50/20 و في الانجليزية 14.50/20
و ان شاء الله في المواد الاخرى ربي يستر برك
تحياتي لك

انا في الشريعة 16 وفي الامجليزية 10 الله غالب منحكم والو فيها
بصح قوليلي والمواد الاخرى

المواد الاخرى و الله الحمد لله عكس ما توقعت الرياضيات 09 لكن دارونا امتحان اصعب من الباك و في الاجتماعيات 14.50و في العلوم 14.50و في الادب 14 و في الفرنسية 11 لكن في الفلسفة كارثثثثثثثثثثثثثثثثثثثثثثثثثثة علابالك ما نقولكش خير و في الفيزيا اللي غاضتني ديت 05 ان شاء الله نعوضها في الباك و انتي في المواد الاخرى وش درتي فيها؟اني نستنى الرد ههههههه

هههههههههههه واش نقولك انا كلهو كارثة رحت للامتحانات بلا قرايا يعني غير الي كنت عاقلا عليه من الباك الي فات حطيتو هههههه
شوفي
فرنسية 7 ههههههه تحسب جامي قريت فرنسي وانا من احسن التلاميد فيها هههه
العربية 10
الرياضيات 8
الاجتماعيات 10,5
الفلسفة 15 احسن نقطة في القسم ههههههه قعدت غير نشكل ديت 15
الفزياء 9,5
العلوم الطبيعية 10,5
لكن هاد المقاط بلا قرايا نعرف روحي بلي قادرا على كثر من هاك ادا راجعت الا في الرياضيات لو تنطبق السماء مع الارض منوصلش 10 ههههههه
احياتي ليك اختي وادا احنجتي اي شيء رانني هنا

ههههههههههههههه شكرا لك عندك الحق و الله الرياضيات انا تاني وصلت 9 مي 10 ما نوصلهاش وانا غير الفلسفة اللي مانقراهاش كون تتطبق السماء على الارض علابالك شحال ديت 01 ههههههههههههههه هو في الاصل 00 و لكن ممنوع ياخي يحطو 00
و الله كارثة مالغري راهي دير استدراك الاستاذة بيوم السبت مي مانحبش الفلسفة يا نااااااااااااااااااااااااااااااااااااااس نكرهها في الدم هههههههههه
تحياتي لك

هههههههههههههههههههههههه راكي طيري ديتي 1 هههههههه ياك يقولو البركة في القليل ولا واش
شوفي اختي في الفلسفة ركزي على المقالة ماشي الدروس خاطرش الدروس بعطيك كلش بالتفصبل وغير يخلطوك
شوفي حنونة راح ان شاء الله نوريك الطريقة الي نخدم بيها انا في الفلسفة واكيد راح تنجحي بيها مي لازم تحبيها شويا ههههههه

شوفي قوليليمن اي موضوع نبداو نقرو الفلسفة وانا تحت امرك عندنا العطلة نفهمك فيها واش حبيتي واجرنا على الله لكن ماتنساينيش في الدعاء برك
تحياتي ليك يا بتاعت الفلسفة هههه

ههههههههههه ان شاء الله فطومة قبل العطلة نشوف كفاش ندير احنا دكا رانا في انطباق الفكر مع الواقع ولا حاجة كيما هكا مي احنا قرينا غير الاستدلال و المقارنة و الاستقصاء بالوضع ههههه نعرفهم مي مانفهمهمش هههه
تحياتي لك
وان شاء الله ننجحوا كامل

صحا حنونة انا وقت متلقيني هنا بعثيلي رسالة خاصة وقوليلي وقتاش نتلاقاو اوك

اوك عزيزتي شكرا لك

بلا جميل حنونة