أهلاً وسهلاً
بحضورك أشرقت الدار
وبانضمامك الينا
سعدنا كثير وغمرتنا الفرحة
وكلنا شوق لاطلالتك علينا
كل يوم
بحضورك البهي
وما سيجود فيه قلمك
من همسات ومشاركات
فقد تهيئت قلوبنا قبل صفحات منتدانا
لاستقبال عبق حروفك
وبوح قلمك
وتقبل امنياتي بقضاء أجمل وأسعد الأوقات
وأكثرها فائدة لنا ولك
وأهلاً وسهلاً


منتدى اللمة الجزائرية :: تعرف على الجزائر من أهلها جزائري : منتدى ثقافى ، سياحي ، تعليمي ، نقاشي ، تطويري ، برمجي ، رياضي ، ترفيهي ، سياسي متخصص بالشوؤن الأسرة.
 
الرئيسيةس .و .جالأعضاءالتسجيلدخولكل القونين المنتدى

شاطر | 
 

 بــــــــــــــوقالات اعقـــــــــــــــــد وانــــــــــــــــــــــــوى

اذهب الى الأسفل 
كاتب الموضوعرسالة
ريتاج
عضو جديد
عضو جديد
avatar

عدد المشركات : 80
مستواك : 5
معدل اليومي :: : 0
تاريخ التسجيل: : 25/02/2012

مُساهمةموضوع: بــــــــــــــوقالات اعقـــــــــــــــــد وانــــــــــــــــــــــــوى   الإثنين مارس 26, 2012 3:55 am

قبل ما تشوفووووو اختارو من واحد الى ربعة وربعين وشوف زهرك في بوقالتك


-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني



2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي


3 أعلمينــــــــــي يا لالــــــة نهار تروحي لحمامك نرفدلك السلة و نمشي قدامك ندور عل يمينك و نزيد على شمالك و نبقا لك خديم و طايع على طول زمانك

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب
لمحبتو بخيل ....وقتاش يا عمري ترحمني ...وترحم دموعي لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في
قلبي شقيقة ....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني.... ناخذ الشباب بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك...
انت خويتم وانا حجرة تبهيك ...وين تروح تلقاني وغير انا لي نديك

]11حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب

]يذوب خلي الحبيب لحبيبو و اللي في قلبو حاجة الله يبلغ المقصود .





12
نزلت لقاع البحر خرجت لي جنية قالت لي وشبيك يا لالا مهمومة تكلمي افتحي
قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها
هيا .




13 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .





14 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .





15 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .





16
الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من
خديك و نرد وجهك مرايا يا ربي يا معبود اقبل دعاية يا رجع لي زهو الزمان
ويعيا الحبيب قاعد معايا .





17 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .





18
لو كان السعود ينغرسو نغرس ميات عود و عود في طية وحدي لكن السعود في يدك
يا معبود يا سقام السعود سقم لي سعدي الناس الكل بحبيبهم وأنا غريب في هذا
الدنيا وحدي .





19 فاطمة يا فطوم وين ما تكوني
نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و
إذا سكنتي القبر يحاسبك مولانا .





20 علاش يا
لالا التخمام رحمة الله واسعة و كبيرة لو كان جات بالكلام نتحدثو و نعطوك
تدبيرة بصح كل شي بالمكتوب ويعيا و الخير يبان و تزول عليك الهموم و تروح
الحيرة .





21 أعلميني يا لالا نهار تروحي لحمامك
نرفدلك السلة و نمشي قدامك ندور على يمينك و نزيد على شمالك و نبقى لك
خديم و طايع على طول زمانك .





22 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .





23 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك .





24 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .





25 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .





26 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .





27 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .





28 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .





29 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .





30
غرست ياسمينه في وسط الدار عروقها سكنجبير و أطرافها نوار يما يا يما محلى
عشق الجار العين تخز في العين و القلب شاعلة فيه النار .





31 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .





32
يا مولاة القلب الكبير ربي يعطيك و يوسع عليك ما عندك لا ذهب و لا حرير و
أنت دايما زاهية و ربي مسهلك ما دريت من حيلة ندير باش نكون مثلك .





33 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .





34 يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .





35 يا لساكنة في الخيمة و الريح جاني قبلي ردي أوراقك ديمة لا يولي الريح غربي .





36
في الدار صندوق مخبي في وسطو ذهب و جوهر مرجان و روبا قظيفة قالولي اماليا
لمن مخبيه قلتلهم لهذيك مولاة الشان مولاة المشية الظريفة .





37
يا لالا يا لالا يا مولاة القلب القاسي حني على حبيبك يالي طيرتي مني
نعاسي ملي شفتك راني نتعذب عليك نعادي اماليا و قاع أحبابي وناسي .





38
حكمت الطير بتكة الحرير و ما ظنيته يطير من بعد ما والف خلى قفصي و عمر
قفص الغير و اقعدت أنا في البحور نتمشى تالف لا سواري لا قلاع لا وجدت
مقاذف هذ الزمان يعطي و يخالف .





39 علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .



40
عيطت على سيد الملاح صبت الناس رقود هزيت الدالية طاح منها عنقود النجوم
قالت النجوم نحكي و قال القمر نذوب اصبر يا قلبي ياك كل شي مكتوب .







41 يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .





42
و ين الطريق اللي فيها محبوبي جيبولي التراب من ثمة نشريه نعمله جعيبة في
مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .





43 ذاك الحمام اللي محبوس في السجنة يعيا و يفرج ربي و نرجعوا خير من اللي كنا .







44 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .
ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه اارجوووو ان تنال اعجابكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
خواطر مكسورة
مشرفة علبة الدردشة والإشراف العام
مشرفة علبة الدردشة والإشراف العام
avatar

عدد المشركات : 79
مستواك : 36
معدل اليومي :: : 3
تاريخ التسجيل: : 24/03/2012

مُساهمةموضوع: رد: بــــــــــــــوقالات اعقـــــــــــــــــد وانــــــــــــــــــــــــوى   الإثنين مارس 26, 2012 6:33 am

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا




17 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .

13 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .


مشكوووووووووووووووووووووووووووووووووره كثيييييييييييييييييييييييير

تقبلي مروري المتواضع من ال
قلب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ريتاج
عضو جديد
عضو جديد
avatar

عدد المشركات : 80
مستواك : 5
معدل اليومي :: : 0
تاريخ التسجيل: : 25/02/2012

مُساهمةموضوع: رد: بــــــــــــــوقالات اعقـــــــــــــــــد وانــــــــــــــــــــــــوى   الإثنين مارس 26, 2012 6:41 am

تـــــــــــــــــــــسلمى حبيبـــــــــــــــــــتى خـــــــــواطر مكسورة علـــــــــــــــــى مرورك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بــــــــــــــوقالات اعقـــــــــــــــــد وانــــــــــــــــــــــــوى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: -,.-~*'¨¯¨'*·~-.¸¤~°*¤ô§ô¤*~( منتدى الاقسام العامة )~*¤ô§ô¤*°~¤,.-~*'¨¯¨'*·~-.¸- :: قسم العام-
انتقل الى: